Hugh Jackman-i tanur asüdang kanga tashi mait bilem

October 2, 2015: Actor Hugh Jackman-i, “Ni tanur asüdang ketsüi toktsür aoba ajanga kü taküm nung kanga mejungi kongshi,” ta ashi.

“Ketsüi ni toktsür aoba sülen nungi kü daki tetsübu shisatsü ka ait aser ni kanga tashi mait ama bilem. Kibong nung ni tanübusang liasü. Ajak danga kidangi ni tama arur aser ni ki telungi aitsü kanga tsübua bilem aser ibaji ajanga kü kija ki telungi meyitet. Ni kima jashiseta aser tsübuseta nokdak. Ano ni tain aküm danga ammang kanga tsübua liasü. Iba den külemi azüka kanga tsübu,” ta Jackman-i Parade magazine dang ashiba femalefirst.co.uk ajanga metetdaktsü.

“Item tetsübu ajanga ni alena ayu. Ni ibaji kanga sambar aser iba jagi ni kanga jashidaktsür. Tejashi timba ka tsübuba ajanga adokdaktsür. Nibo yamaji bilemer,” ta pai ashi.