Hume-i Hat-trick yoka Atletico-i Mumbai 4-1 agi akok

Mumbai, November 01 (Agencies): Tang tasayadak Indian Super League (ISL) asayamung nung Deobar nü D.Y. Patil Stadium nung asayaba match ka nung Canada nunger striker Iain Hume-i hat-trick yokba ajanga Atletico de Kolkata-i Mumbai City FC 4-1 agi kokogo.
Hume-i mezüng goal minute 34 nung, tanabuba minute 45+1 nung aser tasembuba minute 81 buba nung yoka liasü. Goal kaji Augustin Fernandes-i minute 76 buba nung yok. Anungji ajak sentepa parnoki goal pezü agütsü.
Mumbai City FC nungi Selim Benachour-i yokba goal ka dak alaka shingaia ka danga meyoktetba ajanga parnoki Deobar nü asaya makok.
Iba takok anguba ajanga Atletico telok point 10 kümer jenjang trok nungi pongububai tuogo.
Mumbai aser Atletico naprong match tenet net asayaba nung asem akok, ka draw asü aser asem makok.