Hungarian GP: Rosberg-i Pole jenjang nguogo

Budapeset, July 23 (Agencies): Germany nunger gari toktepa anishir, Nico Rosberg-i toktepa shilem agitsü temeten angutsü tetoktepba nung temaba jenjang ngua asüng, Deobar nü agitsü renemba Hungarian Grand Prix (GP) nung Pole jenjang nung shilem agitsü temeten tanü, Honibar nü ajangzükogo.
Taküm agiba gari anishitsü tetoktepba overall shilem nung temaba jenjang ngua alisang, arishi küm 31 tain Rosberg-i tatembangba lap minute 1 ser second 19.965 nung tembanga ghonda 2 shi nung alizüng mezüng atong.
Tan pole jenjang anguba ya Rosberg-i gari toktepa anishitsü tenzüker tanü tashi nung 26 buba pole jenjang angur lir.
Külem Mercedes telok gari anishir, defending champion, Britain nunger Lewis Hamilton-i Rosberg den second 0.143 nung alizüng temonoba tonga tanabuba jenjang angu.
Red Bull telok gari anishir 2, Australia nunger Daniel Riciardo aser Netherlands nunger Max Verstappen nati tanü tetoktepba nung 3 buba aser 4 buba jenjang ajangzüka liasü.