Los Angeles, December 16 (Agencies): Lionsgate teloki nüngtugu ‘Hunger Games’ film series indang prequel yanglutsü bilemaka, iba film indang prequel yanglutsü mapang matong ta Hollywood actress, Jennifer Lawrence-i metetdaktsüogo.
Lawrence-i Katniss Everdeen ama ‘Hunger Games’ film-tem nung tongti shilem agia lir.
‘Hunger Games’ film indang prequel yangluaka, laibo iba prequel nung shilem magitsü renemba olen ka arishi küm 25 tain Lawrence-i metetdaktsü.
“‘Hunger Games’ film prequel nung nibo shilem magitsü kechiyong prequel-ji kanga kara yanglur asütsü,” ta lai ashi.
Tesüsa adokba ‘The Hunger Games: Mockingjay Part 2’ sülenbo iba ‘Hunger Games’ film series tembangtsü sentong mezüngbo renem saka iba film series indang prequel yanglutsü sentong renemba osang ka Lionsgate nung Vice Chairman, Michael Burns-i metetdaktsüogo.
You must be logged in to post a comment Login