HWL: Australia-i Canada akok; India o Britain na quarter asayatsü

Raipur, December 01 (Agencies): Australia’er hockey teloki goal 6-0 agi Canada telok madak takok ngu tang tasayadak FIH Hockey World League Final asayamong Pool A asaya tanü Mongolbar nü asayaogo.
Daniel Beale, Jeremy Hayward, Dylan Wotherspoon aser Matthew Dawson nungeri goal ka ka agütsüba ajanga par Australia teloki asaya mezüngbuba quarter nung goal 4-0 agi Canada den temaba jenjang angu.
Ajisüaka, Canada goalkeeper, David Carter-i kangasa junga asayaba yong Australia teloki tanabuba aser tasembuba quarter nungbo goal ka dang magütsüteti süidaktsü.
Tesülen, asaya pezübuba quarter nung Kieran Govers aser Beale nati goal ka ka agüja par Australia teloki goal 6-0 agi Canada telok ajemshia akok.
Tanü kangasa junga asayaba ajiteta, Carter nem tanü asaya nung ‘Man of the Match’ naroküm agüja liasü.
Ano külen, tanü asaya nung Belgium telok den goal 3-3 agüja draw anguba telok, Britain-ia tan Brehostibar nü India den quarterfinal asayatsü lemzükogo.
Tanü draw nung tembangaka, Britain-i ajak agi points 7 ngua par Pool A nung temaba jenjang anguba telok kümogo.
Asaya ka danga moktetba yong India tang Pool B nung tekübokba jenjang nung lir.