HWL Final: Australia-i goal 3-2 agi Netherlands koka final-i iogo

Raipur, December 04 (Agencies): World champions, Australia teloki goal 3-2 agi Netherlands telok madak semifinal asaya koka tang tasayadak Hockey World League (HWL) Final asayamong final asayatsü jenjang tanü Hokolbar nü ajangzükogo.
Tanü asaya tenzüker minute 8 buba nung Dylan Wotherspoon-i goal 1 agüja par Australia telok temaba jenjang nung ajungkettsü.
Külem asayar, Daniel Beale-ia minute 22 buba nung goal 1 agüja par Australia telok maneni temaba jenjang nung ajungkettsü.
Netherlands asayar, Constantijn Jonker-ia minute 29 buba nung goal 1 agüja par telok jenjang tajungba kümdaktsü.
Tesülen, minute 40 buba nung Matt Gohdes-i par Australia telok asoshi 3 buba goal agüja tanü takokba bener arutsü.
Asaya tembangtsü minute 15 shi anünga alidang, asaya tenzüker minute 33 buba nung Mirco Pruijser-i goal 1 agüja par Netherlands telok jenjang tajungba kümdaktsü saka iba sülen par teloki goal ka danga magütsütetba yong tanü tamakok ajurua liasü.
Australia teloki India aser Belgium na tsüngda asüng, Honibar nü asayatsü ayongba tanabuba semifinal asaya nung takok angur den tan Deobar nü final asayatsü.