HWL Final: Belgium-i goal 1-0 agi India koka final tongogo

Raipur, December 05 (Agencies): Belgium teloki goal 1-0 agi India madak takok ngua tang tasayadak Hockey World League (HWL) Final asayamong final asayatsü jenjang tanü Honibar nü ajangzükogo.
Tanü asaya tenzüker minute 5 buba nung Cedric Charlier-i par Belgium asoshi takokba goal-ji agütsü.
Külem asayar, Jerome Truynes-i renemtsüba cross ball agizüka, Charlier-i India goalkeeper, P.R. Sreejesh ajangdanga goal agüja tanü takokbaji bener arutsü.
Belgium teloki mezüngbuba semifinal nung takok angur, Australia den asüng, Deobar nü final asayatsü.
India telokia mezüngbuba semifinal asaya nung tamakok angur, Netherlands den bronze medal agizüktsü asoshi asüng toktepa asayatsü.