Hyderabad bank nung tambur ka sen melentsü nokdanga lia asü

Hyderabad, November 15 (Agencies) : Tanü Mongulbarnü Hyderabad bank ka nung sen melentsü aruba tambur ka telok tarensena nokdakba nung nokdaka lia asü.
Arishi küm 75 tain, Lakshminarayana ya Marredpally, Secunderabad nung Andhra Bank branch ka kima nisung tarensena nokdaka aliba rongnung, joko magitsü ta metetdaktsür aliba sen 500 aser 1000 senpaktem melentsü nokdaka alidang laoa asü.
Pa mozü kidangi kanga aritepa anir ao ajisüaka doctor temi pa sürang mozüki atong ta metetdaktsü.
Doctor temi ashiba agi pa temulungjang mapa meinyak akümba agi asü.
Lakshminarayana ya Railway Colony, Secunderabad nung alir aser pa-a tang joko magitsü ta metetdaktsür aliba sen 500 aser 1000 senpaktem sen lakh 1.7 pa account nung inoki aoba mapang tasüba agi menep.
Tenük kuli angurtemi ashiba agi, bank nung nisung aika liasüba agi Lakshminarayana mapang talangka atatsüsa aküm.
Bank nung tantsür tambur nokdaktsü tarensen balaka maliba agi pa-a telok den külemi nokdaka liasü, ta par kinungertemi ashi.