Hyderabad: Ki chirepba lendong nung nisung 11 asüb

Hyderabad, December 10 (Agencies): Nanakramguda, Cyberabad zone nung ki ka chirepba lendong nung nisung 11 asü aser nisung ana kümzükogo.
Telangana Municipal Administration Minister K T Rama Rao-i, iba lendong nung Chhattisgarh nungi nisung ana- tanur o tetsü na dang kümzüktet, ta ashi.
“Trokben amentepa yangluba ki chirepba jagi nisung 13 anenbang, aser parnok rongnung onoki nisung ana dang kümzüktet. Tia makai parnok tanüngba 11 asü. State sorkar tenüng nung onoki asür kibongtem den asüko lemsateper,” ta minister-i osangbenertem dang ashi.
Iba kiji ozüng alema yanglu ta osang angazüker aser ki yanglusang, Rama Rao-a puogo.