Hyderabad nung melung melemi IS 11 apu

New Delhi, June 29 (Agencies): National Investigation Agency-i Hyderabad nungi  Islamic State (IS) züngsemtem asütsü südi ta melung melemteti nisung 11 puogo; parnoki tamangba dak sentakba tesemtem, sorkar building aser kanga tongtibang nisungtem amaktsü sentong liasü.
Agency-isa parnok ket nungi prangpong aser tapoktsü oset jenti puogo.
IS module dang “Hyderabad module” ta ajar, aser parnoki Syria nung amenokka aliba caliphate ka den tongtepratepa liasü.
Osang ajanga angazükba agi, iba telokji tesüiba ita ishika Telegram aser Messenger ama internet apps balala ajanga parnok tsüngda code language agi jembitepa liasü.
Ketdangsertemi ashiba agi, tang pua aliba nisungtemi Hyderabad nung mejangjaba tesem ka nung practice agia liasü.
Tang pua aliba IS züngsem rongnung parnok 7 “strikers” lir aser 4 osettsüset belenertem lir.
Tang parnok dang asüngdangyadar. Taküm küm tetenzüklena NIA-i IS züngsemtem südi ta melung melemi nisung 25 pua liasü.