Hyderabad:Mamatzü abenba gari ka nung sen lakh 20 apu

Hyderabad, November 13 (Agencies) : Deobarnü Telangana nung police temi nija dairy company ka indang mamatzü abenba van gari ka nungi joko mamshitsü ta sangdonger aliba sen lakh 20 apu.
Iba sen ya Hyderabad anasa Ranga Reddy district kübok Yacharam mandal tesem nung apu.
Van gari anisangi iba senji dairy farm nung inyakertem nem arrear agütsütsü bener aoer, ta police dang ashi.
Item sen 500 aser 1000 senpaktem Reserve Bank of India (RBI)-i tetuyuba agüja aliba alema bener jajaba ajanga pua ayu, ta police ketdangser kati ashi.
Police-i iba senji Income Tax department nem bushisüngdangtsü atema bendanga agütsüogo.