Hyundai indang ‘Drive Mein Junoon’ video-i 10 Million View nguogo

New Delhi, April 27 (Agencies) : Hyundai Motor India Ltd.-i YouTube nung music video ‘Drive Mein Junoon’ sayaba sülen 10 Millions views jungogo.
Iba video ya Elite i20 gari indang ola 118 amshia yangluba lir aser video nungsa India nunger lanur kentener – Arijit Singh aser Clinton Cerejo natia shilem agia lir.
India nung automobile shilem nung 10 million views tekaratiba anguba music video ji ‘Drive Mein Junoon’ video ya lir.
Iba video ya ‘Hyundai India’ YouTube channel nung angutsü.
“Onok indang music video-i 10 million views jenjang atongba atema kanga pelar. Hyundai ya lanur dak tenük yoka yangluba company ka lir aser purapitetba tasentem ajanga lanurtem den sendakteptsü merangtsü” ta Sales & Marketing, Hyundai Motor India Ltd, Sr. Vice President, Rakesh Srivastava-i metetdaktsü.
Film industry nungia tongtipang nisungtemi Drive Mein Junoon video atema tenüngsang agütsüogo.