I.Chubatangit Jamir-i Dr. B.R. Ambedkar National Award angu

Dimapur, Chiteni/July 12, 2019 (TYO): Rajendra Bhavan, New Delhi nung July 11, 2019 Brehostibarnü Dr. B.R.Ambedkar National Prestigious Award sentong agiba mapang I.Chubatangit Jamir-i Dr. B.R. Ambedkar National Award agizüka liasü.
Iba award sentong ya BJRKSSA – India, National President, Dr. N.S.Khoba lenisüba kübok agia liasü. Sentong nung Minister of State for Social Justice & Empowerment, Govt. of India Shri. Ramdas Athawale, tongti tesemdanger ama aruagi denogo; aser taoba Lok Sabha Speaker, Govt. of India, Smt. Mari Kumar o jembir ama jaoka liasü.
Dr. B.R.Ambedkar National Award for Social Understanding & Upliftment of Weaker Sections ya National Award ka lir, koba India nung mezüng Law Minister, Father of the Indian Constitution aser Champion of Human Rights, Dr.B.R.Ambedkar nüngtem nung India sorkari agütsür.
I.Chubatangit Jamir-i India nung tepetzük tia nung alirtem, sensakertem aser Dalit nunger taküm jenjang ajungkettsütsü atema mapa tajung inyakba aser kaketkeno dak sendakba mapatem atema pa nem iba tetushi award agütsüogo. Tarutsü nunga India nung tepetzük tia nung alirtem taküm jenjang ajungkettsütsü atema pa den külemi inyaktsü onoki imlar,” ta metetaktsü.