I-Day matongdang bomb ka apok; ULFA-I lennir ka temai adok

Biswanath/Sonari, August 12 (Agencies): Independence Day amungtsü jakdang Sonitpur district kübok Jamugurihat nung yashi bomb ka pokdaktsü aser iba mapang nisung ana yiru.
Batmari tesem nung bomb apokdang village guard ana- Batmari Raghu Bora (48) aser Raju Kumar Chetri (45) na yiru.
Morikhuti bazaar nungi meter ishika pilar jana endokdak ka nung bomb ji yuja liasü.
I-Day matongdang tensa raksatsütsü atema nisung kari iba mapa inyak asütsü akok ta iba tesem nung alirtemi temulung malemer.
Iba tatalokba atema police-i bushisüngdang ka tenzükogo.
Yashi, United Liberation Front of Assam, Independent (ULFA-I) züngsem ka temai adok.
Charaideo district kübok Sapekhaiti tesem nung ULFA-I lennirji temai adok ta police-i ashi.
Telungpurtem anema mapa inyaka aoba mapang Corporal Udipta Axom (Tupidhar Gogoi)-i prangpong-injang bener security forces tsüngdang temai adok.
Arishi küm 33 tain ULFA-I lennirji Tairai Mazgaon nungi lir aser pai Slovakia made .22 pistol ka den injang round 4 aser kulikaket kar bener temai adok, ta Additional Superintendent of Police, Charaideo Mrinal Deka-i metetdaktsü.
“Telungpurtem anema mapa kanga tulu inyakdar” ta Deka-isa ashi.
Udipta Axom-i 2012 küm ULFA(I) nung aden.