I-Day nüngtem nung exhibition match asaya

Dimapur, August 16 (Agencies) : Dimapur district nung 70buba Independence Day nikongdang sentong DDSC Stadium nung August 15, 2016 nikongdang agi. Iba sentong nung Dimapur Deputy Commissioner Kesonyu Yhome tongti tesemdanger liasü, ta DPRO, Lolano Patton-i sangdong ka ajanga metetdaktsü.
Iba anogo nüngtem nung Dimapur Veterans football association aser Dimapur Referee Association na tsüngda exhibition match ka asaya liasü aser asaya tepiyong nung telok anaprongi goal kaka yoka draw nung tembang.
Iba sentong nung anepdang march past aiba nung takok angurtem nema sempet agütsü. Iba 70buba Independence day sentong 32 Assam Rifles temi shilem agia tembang, ta sangdong ajangsa ashi.