I-Day tenüng nung CBI ketdangser 31 nem medals agütsüogo

New Delhi, August 14 (Agencies): Independence Day tenüng nung tanü CBI ketdangser 31 nem President’s Police Medal aser Police Medal agütsüogo, aser parnok rongnung Agusta Helicopter ochimashi ken o bushirtem aser taoba mapang Haryana Chief Minister, Om Prakash Chautala anema ken o akar ketdangsertem densema lir.
Tanü awards angurtem rongnung IPS ketdangserbo ana dang lir.
Augusta Westland Helicopter ochimashi ken o aser Vijay Mallya anema ken o bushisüngdangba atema CBI Special Investigation Team nungi IPS ketdangser Ashwani Kumar Chand nem Police Medal agütsü. Ano IPS ketdangser, Navjyoti Gogoi, shiba DIG, Guwahati nung CBI lir pa nema Police Medal agütsü.
CBI Anti-Corruption Branch nung DSP, Atul Hajela, shibai Delhi Chief Minister Arvind Kejriwal’er Principal Secretary, Rajendra Kumar anema bushisüngdanga liasü pa nema Police Medal agütsü.
President’s Police Medal angurtem rongnung, Harish Chandra Sharma, Vijay Kumar Shukla, S Balasubramony, Krishnaswamy Kumaresan, Rawel Singh aser Samiar Kumar nunger densema lir.
Police Medal angurtem rongnung Ramesh Chand, Sanjay Kumar Dhall nata densema lir.