I. Himato Zhimomi nem Governor’s Award agütsütsü mepishir

Dimapur, Luroi (August) 4 (TYO): Nagaland nung Opposition Leader, TR Zeliang-i tanü Governor PB Acharya dangi shidi ka züluba nung Health and Family Welfare Department Commissioner and Secretary, I. Himato Zhimomi nem Governor’s Award agütsütsü atema shiogo.
Zhimomi-i food safety atema mapa tajung inyakba ajanga state asoshi tajangzük bentsür aruogo, anungji taruba Independence Day nung pa nem sempet agütsütsü atema tebilemba lemsateper, ta TR Zeliang-i shidi nung shia lir.