I-League: Lajong 4-0 agi Chennai madak takok angu

Chennai February 19 (Agencies) : Tang tasayadak I-League asayamung nung Deobarnü Jawaharlal Nehru Stadium nung Shillong Lajong telok aser Chennai City FC na asayadang Lajong-i 4-0 agi takok angu.
Iba asaya minute 38, minute 65, minute 77 aser minute 79 bubatem nung Fabio Pena, Issac Vanmalsawma, Bipin Singh aser Dipanda Dicka nungertemi goal kaka yoka par telok goal pezü aküm.
Asaya 10 asayaa aruba nung iba takok anguba ajanga Lajong-i point 16 nguteta tan asayamung nung jenjang pezübuba tongtetogo.
Chennai-a 10 ben asayaogo saka parnoki points 8 anga nguteta jenjang tibuba nung lir.
Asaya mezüng tesadangdang nung Pena-i pa nüka alisang paidoka lua Vanmalsawma-i metsüba free-kick ka goal yok.
Pai iba goal yokba ajanga Lajong coach Thangboi Singto-i pa Redeem Tlang den melenteptsü aliba temulung melenshidaktsü.