I-League nung East Bengal-i Salgaocar 2-1 agi koka tanabuba jenjangi tuogo

Kolkata, February 21 (Agencies): Deobar nü I-League asayamung nung East Bengal nungi defender Bello Rasaq-i tekolak agi par telok atema tanabuba goal yokba ajanga 2-1 agi Salgaocar madak takok ngua tanabuba jenjangi tuogo.
Asaya tanabuba tesadang nung telok anaprongla goal 1-1 aliba mapang minute 83 buba nung Sanju Pradhan-i corner metsüba ball ka defender Rasaq-i goal tongoktsübaji par telok asoshi takok anguba goal ji liasü.
Iba jakdang asaya tenzüker minute 38 buba nung Mohammad Rafique-i East Bengal atema mezüng goal yoka liasü.
Asaya tanabuba tesadang minute 65 buba nung Salgaocar nungi Augustin Fernandes-i Darryl Duffy nem agütsüba ball ka goal yokba ajanga telok ana goal 1-1 aküm.
Ajisüaka Rasaq-i tatem tsütsü goal ka tekolak agi tongoktsüba ajanga iba asaya takok angu aser Bengaluru FC ajateta tanabuba jenjang tongtet.