I-League o ISL na kobi meli lokteptsü: Das

Kolkata, August 22 (Agencies): India nung ayongba football asayamong 2, Indian Super League (ISL) aser I-League na taruba küm 3 tsüngda nung lokteptsü sentong renemba osang ka All India Football Federation (AIFF) nung general secretary, Kushal Das-i tanü Honibar nü metetdaktsüogo.
Taküm October ita 3 nü nungi tenzüka 2 buba ISL asayamong asayaba sülen I-League asayamong asayatsü ayonga lir.
“Taruba küm 3 tsüngda nung league asayamong ka dang alitsü nükjidong nung ISL aser I-League asayamong na ka küma lokteptsü sentong tenzükogo,” ta Das-i tanü ashi.
I-League nung shilem agiba Mohun Bagan telok tenteter küm 125 abensaba bilemteta Kolkota kübok Netaji Indoor Stadium nung agiba sentong nung shilem agidang Das-i iba olenji metetdaktsü.
Paisa ashiba agi, India nung football asayabaren nung temelenshi meli joko mapang talang ka arur anungji, football sabang temaba jenjang nung ajungkettsütsü atema temelenshi agitsü nungdaka kümogo.