I League: Salgaocar teloki goal 3-1 agi East Bengal madak takok angu

New Delhi, March 01 (Agencies): Salgaocar FC teloki goal 3-1 agi East Bengal madak takok ngua tang tasayadak Hero I-League football asayamong nung tanü, Mongolbar nü shilem agiogo.
Tan takok anguba ya Salgaocar teloki tan asayamong nung mezüngbuba asaya akoker lir.
Tanü asaya tenzüker minute 3 buba nung Darryl Duffy-i yanglutsüba cross ball agizüka, Semboi Haokip-i goal 1 agüja par Salgaocar telok temaba jenjang nung ajungkettsü.
Ajisüaka, asaya tenzüker minute 10 buba tan asayamong nung goal timba agütsüsang, Darryl yirua asayadak temaleni tugutsüsa akümba ajanga par Salgaocar telok jenjang mejungi akümtsüsa tia ajurua liasü.
East Bengal asayar, Ranti Martins-ia külem asayar, Keenan Almeida-i renemtsüba back-pass kanga junga agizüka par telok asoshi minute 27 buba nung goal 1 agüja telok anaprongla kasa jenjang kümdaktsü.
Ajisüaka, Calvin Mbarga-i minute 36 buba nung goal 1 agütsüba yong par Salgaocar teloki maneni goal 2-1 agi temaba jenjang angu.
Tesülen, asaya tembangtsü minute 1 shi anünga alidang Haokip-isa par telok asoshi 3 buba goal agüja par Salgaocar telok nem takok ngudaktsü.