I-League:Shivajians-i 5-0 agi Mumbai FC akok

Ludhiana, March 11 (Agencies) : Tang tasayadak Hero I-League asayamung asaya ka Honibarnü Ludhiana nung asayaba mapang DSK Shivajians teloki 5-0 Mumbai FC madak takok kanga junga angu.
Asaya mezüng tesadang nung Holicharan Narzary-i minute 18buba aser minute 30buba tem nung goal kaka yoka parnok jenjang kanga junga aküm.
Ano parnoki asaya tanabuba tesadang nung tajungba asayateta Sanju Pradhan-i minute 48buba nung, Lallianzuala Chhangte-i minute 67buba nung aser Jerry Mawihmingthanga-i minute 83buba nung goal kaka yoka parnoka goal yokertem tarenseni iogo.
Tan asayamung nung parnok asoshi iba takok ya tuluba asütsü.
Maharashtra teloki mezüng parnoki asayaba yimya amai mesüi asayaba ajanga parnok tsüngda tapok tululu adok.
Anungji DSK Shivajians teloki iba maongka ajak amai agi aser Mumbai goalkeeper Laxmikant Kattimani mapang shia lua aoksatsü.