‘I Still Believe’ nung KJ Apa-i shilem agitsü

Rongchii/April 05 (Agencies): Lionsgate indang taruba ‘I Still Believe’ film nung Khristan kentener Jeremy Camp shilem agidaktsütsü atema actor KJ Apa anisemogo, ta osang ajanga metetdaktsü.
Osangtem ajanga angazükba agi, Jeremy taküm otsü nung ajemdaker yanglutsü aliba film nung actor Gary Sinise-i Jeremy tebu Tom Camp shilem agitsü renema lir.
Iba film ya takaraba nung tangok tenzüktsü aser taruba küm March 20, 2020 nü sayatsü ternemba lir.
Adianu Jon aser Andrew Erwin na longjema iba film direct asütsü. Project atema Jon Erwin aser Jon Gunn nati script zülutsüogo.
Kevin Downes aser Erwin adianu na sentepa tena meyong Kingdom banner kübok iba film produce asütsü.
Film ya Camp taküm nung temeim aser takoksa mapang pai teti dang teimla lir ta küli asüba indang otsü ka asütsü.
Camp ya kentener aser ken zülur lir aser taoba mapang Grammy atema pa nominate süa liasü. Alima ajunga nung pa indang kensep million 5 dak tema yokogo aser linük 36 tashi kentena tour senzüogo. Camp-isa gold album 4 sayaogo aser American Music Awards nomination 2 tashi ngua lir.