I-T Department-i PAN Card lakh 11 dak tali shibangtsü

New Delhi, August 07 (Agencies): Income Tax department ajanga PAN card lakh 11.44 dak tali shibangtsüogo (deactivate). Iba mapa ya linük nung PAN card taila aser ka dak tali yanglua amshiba nokdangtsü mechi tenzük, ta ashi. Item PAN card shibangtsür ya kar bo documents tiazü agütsüba ajanga lir, ta ashir. Sorkar-i iba ama inyakba nung na densema ali mali metettsü asoshi lenmang kar:
1) Income Tax e-filing website-i oang.
2) Home page nung Know Your PAN nung click süang.
3) ‘Know your PAN’ page nung nü indang surname, first name, PAN status, gender, Date of Birth aser na PAN card register asüdang amshiba mobile number inokang.
4) Item nüngdakba inoktsüba sülen nü indang mobile-i OTP ka yoktsü aser kasa ji page nunga sayutsü.
5) Nü indang PAN card ji block mesütsüi lira “Active” ta sayutsü.
Nai agütsüba tenüng aser küm amala nungi PAN number ka dak tali lira iba page nung: “Iba tasüngdangba nung record ka dak tali lir. Imlibilema information tali agüjang” ta ashitsü. Iba sülen nü indang PAN card validity metettsü atema page tasen kati na aotsü asoshi tetuyuba agütsütsü.
PAN card alirtemi iba permanent account number ya züngdangba 12 aliba Aadhaar den sendaktepa Income Tax return osang tejangja department nem agütsütsü tetuyuba agütsü.
Nü indang Aadhaar card aser PAN card ya link mesüra December 2017 tashi nung nü indang PAN card ya invalid akümtsü. July 1 nungi tenzüka PAN agizüktsü asoshi Aadhaar card meshir.