Jaipur, December 12 (Agencies): Jaipur nung aliba cooperative bank ka nungi Income Tax department-i sen 2,000 note densema sen crore 1.56 puogo.
Sen tejen aser tasen melentepba nung ochimashi mapa inyakdar ta osang angazükba sülen yashi IT department-i Integral Urban Cooperative bank mita oa liasü.
Tanü Jaipur nung Income Tax ketdangser kati, “Iba bank nungjagi sen 2,000 notes nung sen crore 1.38 densema ajak agi sen crore 1.56 puogo,” ta metetdaktsü.
Mezüng bushisüngdangba ajanga bushitetba agi, bank nung stakeholders-i parnok indang ochimashi sen agi sen notes tasen agi melener, ta bushitet.
“Ano mejangjaba locker ka nungi hon aser taribi agi yangluba sentiosettem angu. Iba locker ji kiburtemi amshir,” ta ketdangserisa metetdaktsü.
You must be logged in to post a comment Login