IAF-i Statehood Day nung Air Display sayutsü

Dimapur, Yimpoksüi (November) 30 (TYO): Kohima nung Nagaland 55 buba Statehood Day amungdang Indian Air Force-i air display ka sayutsü.
Asüngnep Secretariat complex nung sentong agidang Dare Devil IAF para jumpers tem IAF chopper ka nungi azüklen 10000 ft nungi yimzüka alur Kohima Civil Secretariat ground nung anentsü.
Iba sentongji anepdang 9:00 ako nung reprangtsü akok aser iba sülen IAF adventure cell-i para motoring display ka sayutsü
Kisama heritage village nung anüngdang sentong agidang MI 17 helicopter temi nikongtsütsü 3.40 ako nung petal drop aser 3.50 ako Aircraft Sukhoi 30 fighter formation 3 yima süitsü.
Iba mapa ya state sorkar, Rajya Sainik Board Kohima office, Project Director (IAF) Nagaland office aser Hq Eastern Air Command (IAF) Shillong teyaritep ajanga agir.