IAF-i tanaben Nagaland indang medical supply bentsür aruogo

Dimapur, April 4 (TYO): April 4, 2020 nü Indian Air Force (IAF) tayimtsü ka ajanga Dimapur Airport nung Nagaland State Health & Family Welfare aser NSDMA indang medical oset tonne 5 bentsür aruogo.
IL-76 MD 44 Squadron Chandigarh base Unit nungi Aircraft IL- 76 MD ji tanü 3:00 ako meta Dimapur nung arua anenzük aser iba sülen Manipur sorkar indang medical khu tonne 13 bener Imphal-i apusoa ao.
IAF-i civil administration den yaritepa tan agi tanabenbuba medical supply bentsür aruogo.
Nagaland state sorkari IAF dang COVID 19 anema inyakba mapa nung yaritepba atema pelaba metetdaktsü.