IAF-i Walong Advanced Landing Ground lapokogo

Guwahati, October 24 (Agencies) : Arunachal Pradesh nung 1962 India-China War sülen mamshii yutsüba Walong Advanced Landing Ground (ALG) tanaben amshitsü tenzükogo.
Hokolbarnü IAF nung Air Officer Commanding-in-Chief Eastern Air Command, Air Marshal C Hari Kumar-i iba tayimtsü anendak semzüktsü.
Iba sentong nung Air Vice-Marshal Manavendra Singh, tongti Air Vice-Marshal Manavendra Singh ketdangsertem aser tangartem aden.
2013 nung iba ALG tanaben amshi tenzüktsü telemtetba agia liasü aser Northeastern projects & works department atema Eastern Air Command chief engineer-i ketdangsüa yanglu.
Iba tesem ya tenemlen asüba ajanga osettsüset aser machinery belentsü kanga tasak liasü saka parnoki iba mapatong ya ita 21 nung dang yangluzükogo.
Walong ALG ya air operations atema tongtipang tesem ka asütsü aser ano arrtsü maparen ketdangsüba nunga teyari tulu angutsü, ta IAF PRO Group Captain Amit Mahajan-i osangbenertem dang ashi.
Walong ALG ya Arunachal Pradesh kübok Anjaw district nung lir aser India-China rara nung kanga dang tongtipang tesem ka liasü.