IAF mapa ajanga Rajnath Singh-i Tripura sentong thinen

Agartala, February 26 (Agencies): Union home minister Rajnath Singh-i Mongulbarnü Tripura nung BSF ki ka yanglutsü atema lung azüngtsüba liasü saka IAF-i Pakistan nung kiralongrar indang tesep amakba ajanga iba sentong thinen.
Rajnath-i Delhi nungi video conference ka ajanga lung azüngtsüba liasü, ta Tripura home department kedtangser kati ashi.
India-Bangladesh arrtsü anasa Akhaura nung aliba Integrated Check Post anasa alitsü atema iba ki Border Security Force (BSF) sepaitem atema yanglutsü.
“Home Minister-i Delhi nung rongdak nüngdak adokba ajanga iba sentong thinener” ta Tripura Home department ketdangserisa shisem.
Külen, Tripura chief minister Biplab Kumar Deb-i tanü “tasütait armed forces-i mapa tajung inyakba atema tetushi agütsür” ta metetdaktsü.