Iba alima tanguba oset süidagi (1 Korint 7:31)

Aser Methusela arishi küm 969 ali aser asü (Lipok 5:26).
Saka sensaker adianui pa pei uludaktsüba nung pelaang; aser takari pa pei ajemaludaktsüba nung pelaang, kechiyong ayi naro ama pa aremtsü. Kechiaser mopung kanga tatsük den anü adoker aser ayi azüladaktsür, aser naro jetzüka aor, aser pa tereprangtsü tebur tajung samar: yamaji takar nisung pei mapa rema aotsü (Yakob 1:9-11). Saka asüngji kechi adoktsüar nenoki meshitet. Nenok taküm kechi? Kechiyong kenpiga angur aser samaa aoba tangu, aji nenok lir (Yakob 4:14). Aser alima, aser iba azüabungba süitemdagi, saka shibai Tsüngremi mulungba benshir, pa teti tatem makai alir (1 Yohan 2:17).
Kibuba kü tatembang, aser kü anogo yongsük kechi lir kü nem metetdakjang; kü taküm koda karaa aor kü nem metetdakjang (T.Ken 39:4). Kodang parnoki, tesünep aser tekümzük ta shidir, idangji tetsür nu amongdang kangshiba ama ajungbena parnok dangi tesama arur aser parnok kodakang mejenbutsü. Saka, adianutem auür ama iba anogo arua nenok meneptsüsa, nenok ammang nung melika (1 Tesa. 5:3,4).
Kibuba, Ne anogo arudang, ni renema alitsü Ne taochi kü nem kua. Amen.