Ibai na asü ?

–  I. Imdang. Ozukum E.Er. Dimapur.

1.    Nabo temeshi tai mali ta bilemer asü? Ajaki temenen mena, aser Tsüngrem sentsü wangshi matonger masü no?
2.    Tenzüker ? Na metenra telok akoksatsü ta bilemer asü ?
3.    Temeim tamanger tajung? Nai temeshi langpang nung nokdaker tangar dak long agi aoner asü ?
4.    Temeim tenzüker ? Asen mapa agi san aridoker asü ? Anidener ?
5.    Temeim tanishir (Leader) na Dictator ta bilemer asü ? Ajak nung nai ashibaji dang shidak, ajidang agitsü ta bilemer asü ?
6.    Temeim tamanger ? Tangar Tsüngrem o ashidang, o jembisang tai dang bushia amener asü ?
7.    Na temoatsü mangu, tai menar ta mebilemer ?
8.    Tangari tajung inyak nung na jashir asü ?
9.    Tangari Tsüngrem o jembiba nai sentep kar nung iba oji meyiptsür asü ?
10.    Oh society ? Oh telok ? Meinyaktet yonga Taka tait aser tepur tajung, asoajen tajung dang tamshiba ka dang amshir asü ? Kinük pezü sülenji reprang nung majungtsüna ?
11.    Tsüngrem tsüngdang tanak temesüng tulu tila kasa masü na ?
12.    Nai inyakbaji tangaribo meinyaktettsü ta nai bilemer asü ?
13.    Nü den tangatetba temetetba aika mena lir ta nai bilemteta marur asü ?
14.    Nai shisatsü sayua oshilu talanglang sarasademer asü ? Tsüngremji tenarong anüanüa ali asü ?
15.    Tsüngrem shisa makaji nisung shisa taka dena taoba masü na ?
16.    Pastorba ? Tetenzük nung nai sarasadem, tenla sen atema nai sarasadem, o nai jembi, tatem nung nai sarasadem. Ajak nung na na dang teti agibaji malaker na ?
17.    Santem tenüng aser san ki manguba sannükerji na asü ?
18.    Taso talir ta nai temulung alemer asü? Küm kata memeyong ta mebilemer asü?
19.    Chirnur dak temulung alemer asü ? Kibuba bilemtetdarma ?
20.    Pei ki tajung asüba agi asükümer asü ? Kibuba tenüng sangdarma ?
21.    Mekümdangra nai yangluba kidang na malitsü ta mebilemteter asü ?
22.    Na tematiba jenjang angubaji nüsasa ta bilemer asü ?
Kibuba tenüng sangdarma ?
23.    Oh tulur? Nebuchadnezzar ama asenok shiruru kümdaktsütsü Kibuba dak tashi lir ta bilema arutsü akok asü ?
24.    Rongsenji asensasa angu ta bilemer asü? Rongsen nung tashikang tena lir, temalen alisang ya bilemtetdarma?
25.    Oh, tashi tait, aso tajing tashitak maket, na koda jangratemtsü ?
Na shibai ayur, nai bilemteterna ?
26.    Tanü mejangba mesaakba putu nung na temesepba yi lar kümer temeimtsüka alitsü ? Tamangertemi atakatema indokba majemtsü oset ta bilema marurna ?
Tsungremi tazünger tajunglen nungi angazüka temoatsü ngudakjangma.

You must be logged in to post a comment Login