iBall teloki Windows 10 laptop 2 sayaogo

New Delhi, May 11 (Agencies): iBall teloki Windows 10 operating system (OS) ajanga mapa inyakdaktsüba laptop 2 – CompBook Excelance aser CompBook Exemplaire India nung tanü, Bodbar nü sayaogo.
Screen tasazük dak alaka, tanü sayaba laptop anaprongla nung osettsüset timbaka sako aliba osang angazükogo aser laptop anapronglaji asüng, Brehostibar nü nungi tenzüka alizüktettsü.
CompBook Exelance jenjang sen 9,999 aser CompBook Exemplaire jenjang sen 13,999 alitsü.
Excelance laptop display 11.6-inch HD (1366×768 pixels) aser seret 1.1 taret dang aliba yong iba laptop indang jenjang tajemba aser 14-inch HD (1366×768 pixels) display aser seret 1.4 taret aliba yong Exemplaire laptop indang jenjang timba renemba osang angazükogo.
Tanü sayaba laptop anaprongla Windows 10 OS ajanga mapa inyakdaktsüba den külemi, laptop anaprongla nung Intel Atom Z3735F processor (four cores, four threads, 2MB L2 cache, 1.33GHz base clock, 1.83GHz Burst clock) den 2GB densemba DDR3 RAM mesenloka lir.
CompBooks laptop anaprongla nung VGA (0.3-megapixel) webcam camera inoksema lir aser laptop anaprongla indang internal storage 32GB lir saka kasaji microSD card amshia, 64GB tashi timba kümdaktsütettsü.
10000mAh tashi aketba battery mesenlokja aliba ajanga laptop anaprongla khen nung ghonda 8.5 tashi amshitettsü.
Ano, microphone aser headphone amshitsü asoshi singles 3.5mm combo jack mesenloktsüba den külemi, laptop anaprongla nung Wi-Fi o Bluetooth amshitettsü aser HDMI port 1 aser USB 2.0 port 2 tashi renemja lir.
Küm 1 warranty agütsüba laptop indang TouchPad-a mapa balala inyaktsüsa renemtsüba osang jangjaogo.
iBall telokisa Windows 10 Pro OS ajanga mapa inyakdaktsüba CompBook Excelance Pro aser CompBook Exemplaire Pro laptop-a sen 19,999 aser 24,999 yong ayoktsü renemba osang jangjaogo.