Ibobi Singh CLP lennir inyaktsü shim ; BJP-i independent MLA ka apu : Congress

Imphal/New Delhi, March 12 (Agencies) : Deobarnü Manipur nung Chief Minister Okram Ibobi Singh Congress legislature party lennir asütsü shimogo.
Arishi küm 68 tain Ibobi-i 2002 nungi 2017 tashi sorkar asembenren atongtepa benogo aser taküm assembly elections nunga pa lenisüba kübok Congress-i menden teimba nung takok angu.
Thoubal Assembly menden nungi Ibobi-i vote 10,400 agi takok angu. Iba menden atema Irom Sharmila-ia pa den toktep saka lai jenjang pezübuba nungang tembang.
Manipur nung züngsem 60 agi akümba Assembly nung BJP aser Congress tsüngda tepila balaka melii takok angu.
Congress-i menden 28 aser BJP-i menden 21 nung takok angu aser sorkar akümtsü atema menden 31 nüngdaker.
2012 küm Ibobi Singh-i anir Congress-i menden 42 nung takok tulu ngua sorkar tentet. Tang tashi Manipur nung Chief Minister parnok 16 tashi mapa inyaka aruogo saka parnok ka danga BJP nungibo maliasü.
BJP-i democracy anema lendong aketba mapa inyak aser ibaji Imphal airport nung Manipur nungi independent MLA ka CISF-i tashiyim agi anir aoba lir, ta Deobarnü Congress-i aitsüogo.
“BJP-i Imphal airport nung independent MLA Asabuddin aputsü aser Kolkata-i anir aotsü atema CISF aser airport ketdangsertem tim mesüi amshi” ta Congress otongdar, Randeep Singh Surjewala-i metetdaktsü.
“Modi sorkari democracy anema lendong aketba mapa inyaker. Parnoki election nung tamakok anguba sülen Imphal airport nung CISF tim mesüi amshia MLA tem pudaktsür” ta pai ashi.
“Independent MLA Asabuddin ji minister Sh. A Nasir den lir. Modi’er sorkari ozüng alema mapa inyaker” ta Surjewala-isa shisem