ICAR-VIBCON National Conference nung Angh-i jembi

Medziphema, Luchii/December 14 (TYO): ICAR- National Research Centre on Mithun aser Indian Society of Veterinary Immunology & Biotechnology pur Silver Jubilee convention aser VIBCON on “Innovative Biotechnology Approaches for Improving Animal Health and Productivity” National conference yashi, December 13 nü ICAR-NRC on Mithun, Medziphema nung agiogo, ta ketdangsertem osang ka ajanga metetdaktsü.
Iba sentong nung tongti tesemdanger Nagaland Angh, P B Acharya-i Silver Jubilee convention amongba atema parnok nem tenüngsang agutsü.
Paisa, Nagaland nem ali nungi adokba rongsen jenti moaja lir, anungji itemji ajungkettsütsü atema maongka jenti den tashi lir, ta ashi.
Ato kilonseri, North East merenlokra India merenloktettsü, ta jembiba o pai lepshia metetdaktsü.
Angh-isa lokti dang parnoki ajangzükbatem aser lokti atema inyaktsübatem meyipa reprangshitsü ayongzükba den külemi pai, universities aser research centres dang shisaliok agutsübaji tatembang masütsüla saka nüburtem nüngdak metettsüsa research agitsüla, ta ayongzük.
Paisa Universities aser research centres dang, tashi malirtem nem tashi agutsütsü atema akokba tashi inyaktsüla, ta ayongzük.
Iba sentong nung Organising Secretary & Director ICAR NRCM, Dr Abhijit Mitra-i lokti pelaa agizükba o jembi aser Secretary ISVIB & Professor MVC Tanuvas, Chennai, Prof.A.Thangavelu-i society osang tongmelang agi metetdaktsü.
Kasa sentong nung DR RK Singh, President ISVIB aser Director ICAR Bareilly, tetushi tajaoker, Prof. Premjit Singh VC Imphal aser VC Chennai, DR C Balachandran nungeria jembia liasü.