ICC ODI Rankings: India 3 buba jenjang nung lir

Dubai, September 23 (Agencies): International Cricket Council (ICC)-i tan tesüsa adoktsüba One-Day International (ODI) telok tarensen nung India telok 3 buba jenjang nung aliba osang jangjaogo.
India teloki ajak agi points 110 ajangzüka, points 124 ajangzüka temaba jenjang nung alir Australia telok aser points 113 ngua, tanabuba jenjang angur New Zealand telok na sülen anidaka, tan tasembuba jenjangji ajangzüker lir.
Ano külen, ODI batsmen tarensen nung India nunger batsman, Virat Kohli-i ajak agi points 813 ajangzüka, 2 buba jenjang nung aliba osanga jangjaogo.
Batsmen tarensen nung South Africa nunger AB de Villiers-i 1 buba jenjang aser külem sensopur, Protea Hashim Amla-i 3 buba jenjang ajangzüka lir.
Kohli dak alaka, Rohit Sharma aser Shikhar Dhawan natia batsmen tarensen nung 7 buba aser 8 buba jenjang ajangzükba osang jangjaogo.