ICC ranking nung Smith temaba jenjang nungi masetshi lir

Dubai, February 26 (Agencies) : Australia captain Steve Smith ICC Test Batsmen Ranking temaba jenjang nung lir.
Smith-i tang India den tasayadak test asaya pezü rongnung mezüng test nung runs 109 yanglua par teloki India telok madak runs 333 agi taküm kanga junga angu.
Arishi küm 27 tain, Smith-i rating points 939 ngua pa dang alima nung Test batsman rongnung tajungtiba lir. Asayar tejentem Don Bradman (961), Len Huttoni (945), Jack Hobbs aser Ricky Ponting nati (942) aser Peter May (941) nunger sülen Smith atonglokogo.
Gary Sobers, Viv Richards aser Kumar Sangakkara nungeri points 938 nguta lir, ta Deobarnü International Cricket Council (ICC)-i metetdaktsü.