ICC Women’s ODI Rankings: Mithali Raj jenjang pezübubai luogo

Dubai, Metsüremi/March 08, 2022 (Agencies): One Day International batter atema tesüsa sangdongba ICC Women’s rankings nung, Australia tetsür team captain Meg Lanning jenjang tanabubai tuogo. Kasa rankings nung India team captain Mithali Raj jenjang pezübubai luogo.

Tang asaya aliba ICC Women’s Cricket World Cup 2022 indang mezüng match pungo ajanga ICC Women’s ODI Player Rankings tasen nung temelenshi tulu adokdaktsü.

ICC Women’s Cricket World Cup asayamung mezüng match nung Lanning-i junga asaya liasü. Mezüng match nung Australia aser England na asayaba mapang Lanning-i ball 110 nung 4s 7 aser 6s 1 densema run 86 yanglua liasü aser ibaji ajanga Australia-i run 310 yanglutet.

Iba asaya (Australia vs England) indang ‘Player of the Match’ award angur Rachael Haynes, shibai ball 131 nung run 130 yanglutet, rankings nung lai top 10 nung jenjang 7buba tongtetogo. Kasa match nungi century yanglur England tsür Nat Sciver jenjang pungo tashi alema jenjang trokbubai tuogo.

Batter, bowler den külemi all-rounder atema iba ranking nung West Indies tsür Hayley Matthews-i jenjang tulu ajangzüktetta lir.

 Iba World Cup nung West Indies-i New Zealand madak run 3 agi takok anguba match nung Hayley-i Player of the Match’ award angu. Iba match nung West Indies-i New Zealand nem target – run 260 yutsütsü mechi Hayley-i century (119) yanglua liasü. Batting dak alaka, Hayley-i Amelia Kerr aser Brooke Halliday na indang wicket agi.

All-rounder list nung Hayley Matthews-i jenjang trok tashi alema top 5 tongtetta No. 4-i tuogo aser batter list nung jenjang 12 tashi tua No. 20 aser bowler list nung jenjang 3 tashi tua No. 10 tongtetogo.

Tesüsa sangdongba ICC Women’s ODI rankings nung jenjang temabai atur asayar rongnung South Africa tsür Ayabonga Khaka dena lir. Bangladesh aser South Africa tsüngda match nung Khaka-i junga asayaba asadangtetta la No.6 tongtetogo.

Iba den bendenloksema, India tsür Sneh Rana aser Pooja Vastrakar, shirnoki run 122 bendenlokja liasü (India aser Pakistan), tenaprongla batter indang rankings nung jenjang temabai tuogo.