ICC World Cup Qualifier:India tsürtemi run 125 agi Ireland madak takok angu

Colombo February 11, (Agencies) : ICC Womens Cricket World Cup Qualifier asayamung nung Group A nungi India tsür cricket asayartemi Hokolbarnü Colombo nung tan agi asemben buba atonga atonga takok ngua Super Six telok rongnung lir.
India telok nungi opener Thirush Kamini-i la cricket asaya tenzüker tang tashi nung la atema run timtiba yanglutetogo. Lai 113 runs (not out) yangluba nung four runs 11 aser six runs 4 densema lir. India tsürtemi over 50 nung runs ajak agi 250/2 yanglutet.
La den opener aitla, Deepti Sharma dena senteper runs 174 yanglu. Iba asayamung nung Deepti Sharma-i la asoshi tanabuba half-century yanglu. Lai iba asaya nung runs 89 yanglutet.
Opener ana yagi over 39 ser ta asaya aser ODI asaya nung India tsür openertem senteper run 100 yanglutetbaji küm pezü nung tan mezüng lir.
Ireland iba jakdang Sri Lanka den asayadanga tamakok ngua lir aser parnoki India tsür den asayadang over 49.1 nung runs 125 ang yanglutet. India tsür leg-spinner Poonam Yadav-i wicket timba agi, lai runs 30 agütsü aser wicket 3.
Ireland nungi Gaby Lewis-i runs 33 aser Isobel Joyce-i runs 31 yanglubaji par telok nungi runs timtiba yanglurtem liasü.
Tang Group A nung India temaba jenjang tonga lir. Parnoki taoba asayatem nung Sri Lanka aser Thailand teloktem madak takok ngua lir aser ano taruba asayaji February 13, 2017 nü Zimbabwe den asayatsü lir.
Kamini-i, “India asoshi run 100 yanglubaji khenyongi balaka lir. Teloki opener tem dak nungi imlaa aliba ama tanü runs ngutetba ajanga temulung asür. Asaya tatem tsütsübo ball ji bat dangi junga maru anungji run yanglutsü kanga tasak liasü. Ni asaya tenzükdang runs terabosa yanglutsü tebilemba nung ai aser ni kü bilemba tonga asayatetogo,” ta ashiba ICC sangdong ka ajanga metetdaktsü.