ICC World T20: Bangladesh & Oman telok nati takok angu

Dharamsala, March 09 (Agencies): Opener Tamim Iqbal-i runs 83 tashi yanglua kanga junga asayaba ajanga par Bangladesh teloki runs 8 agi Netherlands madak takok ngua tang tasayadak International Cricket Council (ICC) World Twenty20 (T20) 1 buba round asaya nung tanü, Bodbar nü shilem agiogo.
Tawa tembangba 2016 Asia Cup T20 asayamong nung shilem magitetettsüsa akümsang, Tamim-i sixes 3 aser fours 6 densema, ball 58 nung runs 83 yangluba ajanga par teloki overs 20 nung wicket 7 laoa ajak agi runs 153 yanglu.
Tesülen, Netherlands teloki kanga meranga asaya saka par teloki overs 20 nung wicket 7 laoa ajak agi runs 145 dang yanglutetba yong par teloki tamakok ajurutsüsa aküm.
Ano külen, Ireland aser Oman na tsüngda asayaba tanabuba 1 buba round asaya nung Oman teloki wicket 2 agi takok anguba osang jangjaogo.
Ireland teloki mezüng batting asü aser par teloki overs 20 nung wicket 5 laoa ajak agi runs 154 yanglu.
Tesülen, Oman teloki overs 19.4 nung wicket 8 laoa runs 157 yanglua Ireland teloki yangluba runs ajangatetba yong par teloki wicket 2 agi takok ngua liasü.