ICCW National Award atema tenüng meshir

Kohima, Monupii/May 23 (TYO): Indian Council for Child Welfare (ICCW)-i kümshia tanurtem bem National awards agutsür, aser iba dak sendakba nung parnoki iba award agutsütsü atema tenüng meshiogo.
National Awards to Children for bravery scheme ya küm 61 tejaklen 1957 küm tenzüka liasü. Iba kümji tanur anati (tetsür ka aser tebur ka) tasütait mapa inyakba atema tena anema iba award mezüng agüja liasü, aser iba mapang nungjagi tenzüka ICCW-i kümshia tasütait tanurtem nem National Awards agüja arudar.
Iba scheme tongtibangtiba nükjidong ya, tasütait mapa inyaker tanurtem nem tetushi agüja tanüngba tanurtema ajungshitsü asoshi lir. Tasütait mapaji taküm aotsüsa mesüra lendong tulu ajurutsüsa liaka lokti nung temenen mapa balala aser lendong nung tasütait mapa inyakba asütsüla.
Iba awards atema nüburtem dang sangdonger aser aser award atema tenüngji State/U.Ts, Councils of ICC W, state sorkar balala kübok Director Generals aser Commissioners of Police densema department balala ajanga meshir.
Iba award atema tenüng agütsüba inyakyim; nominations ji prescribed application form nung agizüktsü, aser ibaji ICCW headquarters office nungi meshitsü akok mesüra ICCW indang website nungaia download sütettsü. Application ji ketdangser anatibosa recommend asütsüla. Form denji tanur jagi tasütait mapa inyakba indang tajemba agi ojang 250 shi nung zülur agütsütsüla, tasoba anogo kuli, osangkaket/ Magazine clippings aser Poliace station ke nung agutsüba First Information Report (FIR) mesüra Police Diary densema agütsütsüla. Iba tatalokba denji tsünglanglen aliba ketdangser anati nungitba documents densema alitsüla.
Tanur arishi küm tatkzükji, tasütait mapa inyakba tatalokba mapang nung tanurji arishi küm 6 tekübok masütsüka aser arishi küm 18 dak tema masütsüla.
mpetent Authorities.
Application ji tsünglanglen aliba ketdangser anatibosa recommend asütsüla: pa/la azüngba school Principal/Headmaster mesüra Head of Panchayat/Zila Parishad; State Council for Child Welfare General Secretary mesüra President; Collector/DM/Govt. Official mesüra iba dang kasa jenjang nung ketdangser aser iba tesem nungji Supdt. of Police mesüra kasa jenjang nung Police Official ka.
Tatalokbaji Chiteni (July) 1, 2017 aser Aami (June) 30, 2018 tsüngda asütsüla. temsüa dang lira July 1, 2017 anogo matongdang ita asem tejaklen tatalokba-a agizüktsüji Selection Committee dak tashi lir.
Application agütsütsü atema tatembangbuba anogoji Rongjui (September 30), 2018 asütsü.
Osang tejangjaba atema www.iccw.co.in nung reprangtsü akok.