ICDS Project Chozuba nung Anemia reduction camp agi

August 5, 2019 nü Phughi yimdak "Anemia Reduction Camp" agiba sülen Social Welfare Department ketdangsertem aser camp nung adenertem tangokba noksa nung angur.
August 5, 2019 nü Phughi yimdak “Anemia Reduction Camp” agiba sülen Social Welfare Department ketdangsertem aser camp nung adenertem tangokba noksa nung angur.

Kohima, Luroi/August 07 (TYO): Social Welfare Department kübok National Nutrition Mission Program indang convergence dak sendakba nung tanabuba shilem- “Anemia Reduction Camp” August 5, 2019 nü ICDS Project Chozuba, Phughi Village nung agiogo, ta osang ka ajanga metetdaktsü.
Supervisor, ICDS Project, Chozuba, Nusa Thisa-i sangdong ka ajanga, iba camp nung shiranger 145 temang tendanga angati mozü agütsüogo, ta metetdaktsü.
Social Welfare Department den District Administration aser Medical Department, Phek senteper mezüngbuba shilem nung Lower Khomi, Middle Khomi, Upper Khomi aser Kütsapo yimtsüngtem nung agia liasü.
Iba sentong ya Phek district nung Anemia ajema kümdaktsütsü atema agir, aser maneni kanga tezülen aliba yimtsüngtema ayimjema agitsü.

You must be logged in to post a comment Login