ICH nung Assistant Training Passing-Out sentong agi

Dimapur, June 3 (TYO) : Impur Christian Hospital (ICH) nung 2015 küm nungi tenzüka Midwifery Assistant Training National Council for Vocational Training (NCVT) ministry kübok agüja arudaki.

Iba nung 2015 küm student 24 tashi training agiogo aser parnok ajaki takok ngua June 3, 2016 Impur Christain Hospital nung First Batch Passing-Out sentong ka-a liasü.

Iba sentong nung tongti tesemdangerji Er. T. Imlisunep, Principal ITI, Mokokchung liasü aser Rev. Dr. Mar Atsongchanger, Executive Secretary, ABAM-i tajungshi o jembi.

Sentong nungsa Dr. Bendang Ao, Medical Superintendent, ICH-i sentong nung shilem agirtem dang pelaba metetdaktsü aser Dr. Sashimeren, Chairman, ICH Board of Trustee-i sentong len ania kanga takok ngua agi.

Kasa sentong nungsa takok ngua training agir student-tem nem tongti tesemdanger-i Kulikakettem agüja liasü.