ICH nung X-Ray Machine tasen meshitet

Dimapur, March 12 (TYO) : ABAM Executive Secretary, Rev. Dr. Mar Atsongchanger-i Impur Christian Hospital nung X-Ray Machine tasen meshiteta sarasademtsü.
Iba sentong nung ABAM nung mapa inyakertem den temeket aliba yimtsüng nungi arogo lennirtem aser Village Council Chairman nungertem aden.
Iba sentong nung mendenji Impur Christian Hospital chairman, Dr. Sashimeren Aier liasü.
Sungratsu Officers’ Association-i ICH nem X-Ray Machine tenla agütsü aser sentong nung adenertemi tetenlar dang kanga pelaba metetdaktsü.