ICICI, SBI aser Standard Chartered bank nung ashioktsür timba: RBI

New Delhi, March 12 (Agencies): 2016 küm April nungi December ita tashi bank balala nung ashioktsüba bushiba nung ICICI Bank ya temaba aser SBI ya tanabuba jenjang nung lir, ta RBI ajanga bushitet.
Ita 9 tsüngda nung sen lakh 1 aser iba tema nung nüburtem ashioktsüba ken o tem ya ICICI nung 455, SBI nung 429, Standard Chartered nung 244 aser HDFC Bank nung 237 lir.
Iba dak alaka tanga bank nung iba ama ashioktsüba ken o ya Axis Bank nung 189, Bank of Baroda nung 176 aser Citibank nung 150 liasü.
Nüburtem ashioktsüba ya SBI nung sen crore 2,236.81, Punjab National Bank nung sen crore 2,250.34 aser Axis Bank nung sen crore 1,998.49 alitsü.
Iba ama ashikülak mapa inyakba nung ya bank nung inyakera densema lir, ta RBI ajanga Finance Ministry nem osang agütsüba nung shia lir.
SBI nung inyaker 64, HDFC Bank nung inyaker 49 aser Axis Bank nung inyaker 35 densema iba ama ashikülak mapa inyakba osang agütsü.
India nung 2016 küm April nungi December ita tashi nung ashikülak mapa nung bank balala nung inyaker nisung 450 densema lir aser ashikülakba ken o 3,870 aser sen crore 17,750.27 lir, ta RBI-isa osang metetdaktsüogo.