Dimapur, September 26 (TYO) : September 26, 2016 nü Institude of Communication and Information Technology (ICIT), Mokokchung nung Voluntary Blood donation camp ka ayongzüka agi.
Iba sentong ya Mokokchung Voluntary Blood Donors Association den yaritepa ayongzük aser shisalen agütsürji, Pathologist Medical Officer Blood Bank IMDH Mokokchung, Dr Chubala liasü.
Dr Chubala-i, Haematology, Blood donation agütsüba aser District nung Blood Bank aliba indang onüktem lemsatep.
Mokokchung District nung aliba Blood Bank nung azü units 1000 nüngdaker saka ibaji ano metongi lir, ta laisa shisem.
Sentong nungsa DPO DAPCU, Mokokchung district, Makshi Jamir-ia kaketshirtem dang azü tenlatsü atema ayongzük aser paisa college nung Red Ribbon club tenzüktsü tebilemba lemsatep.
Voluntary Blood donation camp nung kaketshir 15-i azü tenla agütsü.
ICIT, Mkg nung Blood donation camp liasü added by asungba on
View all posts by asungba →
You must be logged in to post a comment Login