Idea-i ano state pezü nung 4G amenokogo

New Delhi, January 14 (Agencies): Idea Cellular-i, state pezü—Chhattisgarh, Haryana, Madhya Pradesh aser Punjab nung high speed 4G LTE amenokogo, ta Brishotibarnü metetdaktsü.

Tan item state tem nung ibai amenokba ya dena tang tashi nung parnoki – December 23, 2015 nung Andhra Pradesh & Telangana, Karnataka, Kerala aser Tamil Nadu & Chennai amsema telecom service tesem tenet nung amenokogo, ta company sangdong ka ajanga metetdaktsü.

Idea indang 4G LTE ya jila 183 nung January 31 nü nungi amshitettsü.

“December 2015 hopta tesüsabuba nungi Idea-i high-speed 4G LTE network atema kanga kara maparen ajak inyaka liasü.

March 2016 tashi nungbo ano onoki Maharashtra, Goa, northeast aser Orissa tesemtem nunga high-speed 4G LTE network amenoktsü.

Iba den külemi ano June 2016 tashi nung Idea meyong 4G ajanga yimti 750 süngdaktsütsü,” ta deputy managing director Ambrish Jain-i ashi.

Tang Idea-i 4G amenoka aliba tesem ter prongnung 1800 MHz 4G spectrum amshir aser iba jagi idea nem telecom market nungi noklang nung shilem 50 aser küm nung noklang nung shilem 60 tashi tajangzük bentsür arur.

Iba den sentaktepa Gujarat aser Uttar Pradesh (West) na nung idea-i ‘Spectrum Trading Agreement’ kübok Videocon Telecommunications den ‘Right to Use’ 1800 MHz spectrum tezüngzüktepba ka nunga sign sütepa lir, ta sangdong ajangasa ashi.