Idea-i North East nung 4G LTE services tenzüker

Dimapur, July 27 (Agencies) : India nung kanga dang kara ainba telecom operator, Idea Cellular-i North East Service Area kübok district 9 nung 4G LTE services tenzükogo.
Tang nungi Idea 4G LTE services ji Agartala, Aizawl, Imphal, Kohima, Mokokchung, Senapati, Tura aser Dimapur nung angutsü.
“Idea-i 4G LTE service tenzükba sülen nungi onoki telecom infrastructure tajung ka yangertsü aser internet coverage tajungtiba agütsütsü atema alizüng lir. Customer tem jangratemdaktsütsü atema onoki jenjang dalang agi internet service tajungba agütsütsü” ta Chief Operating Officer East Idea Cellular, Anish Roy-i metetdaktsü.
North East market nung Idea-i spectrum alizüktsü atema sen aika endokogo aser iba atema Optical Fibre Cable enoka aser network infrastructure yanglushiogo.
Idea-i Northeast kübok jila aser yimtsüng 500 den tema 2G services (1800 MHz platform) agütsür, intra circle roaming basis (ICR) nung 3G services aser tang 4G LTE services agütsütsü tenzükogo.