IEM indang 48 buba National Convention agidar

Dimapur, October 21 (TYO): Dimapur Ao Baptist Arogo (DABA) nung tanü agi anogo asemnübuba Indian Evangelical Mission indang 48 buba National Convention agiogo.
Tanep agiba sentong nung OMF International Director, East Asia South, Rev. Dr. Sydney Henry-i Bible Study agi aser iba mapang pai 1 Tesalonika 2 aser 3 tem nung ajemdaker tesayuba agütsü.
Iba sülen Vision Building Team (VBT) aser Kingdom Builders indang workshop agia liasü. Workshop nung tamangertemi mission balala nung shilem agiba indang temetettsü lemsatep.
Iba workshop nungsa IEM mangdang tesem balala nung prokshitsü atema tebilembatem metetdaktsü. Workshop nung kanga dang tongtipang shilem kaji, IT professionals-i mission mapa inyakba aser iba jagi parnok Kingdom Builders akümba indang liasü.
Tanü sobaliba sayutepba sentong ka agi aser iba nung Dimapur nungi arogo balala aser Doimukh, Arunachal Pradesh DABA mission field, Dibang Valley aser Arunachal Pradesh nungi telok balalai shilem agi.
Nikongdang agiba sentong nung General Secretary, IEM, Rev. Dr. Raja Singh Elias-i Tsüngrem o jembi.