Dimapur, August 29 (Agencies): Kargil tongpang nung pei taküm bendanga agütsür, asür Captain Neikezhakuo Kenguruse ‘Mahavir Chakra’ (MVC) nüngtem nung 9 Assam Rifles (9AR)-i Captain (Late) Neikezhakuo Kenguruse, MVC Nagaland Football League 2016 ayongogo.
Taruba September ita 12-19 nü tashi Kohima kübok Kohima Local Ground nung asayatsü ayongba football asayamong nung Nagaland kübok district 11 nungi asayar telok 24 tashi shilem agitsü renema lir.
Asür Kenguruse bilemtettsü aser pa nem tetushi agütsütsü nükjidong nung IGAR (North)-i Nagaland Football League asayamong kümshia asayatsü atema ayonger lir.
Kohima kübok Nerhema yimtsüng nung 1974 küm July ita 15 nü asosang, asür Captain Kenguruse Jalukie kübok St. Xavier School nung azüngba sülen pa Kohima Science College nungi graduate asü.
Asür Kenguruse-i 1994 küm nungi tenzüka 1997 küm tashi Kohima nung tentetba Government High School nung tesayur inyak.
Pai 1997 küm January ita Indian Military Academy nung tenüng züluoka terenemshiba agitsü tenzük aser 1998 küm December ita 12 nü Indian Army nung ketdangser ka akümtsü jenjang ajangzük.
Par medemer aser kinüngertemi Kenguruse dang ‘Neibu’ ta aja aser pa kübok tenzüker North India mitkartemi pa dang temeim agi ‘Nimbu Sahab’ ta ajaba osang angazükogo.
“Ni asen kidangi tanaben meshilangtsü akok. Ni tanaben meshilang aka, ni atema mangyima tejashitsü kechiyong ni kü tajungtiba agüja asen linük tenzüktsü lemtetogo,” ta Kenguruse-i pa asüba jakdang tebu, Neisielie Kenguruse den tatemsüa shiti ajanga lemsatepa liasü.
You must be logged in to post a comment Login