IGI Airport nung joko Development Fee magitsü

New Delhi, May 01 (Agencies): Deobarnü nungi tenzüka Delhi nung aliba Indira Gandhi International (IGI) Airport nungi tayimtsü nung senzüba jenjang tajemba kümogo, kechiyong tesüiba küm aika passenger tem dang nungi ‘Development Fee’ agia aliba tanü nungi magir.
Iba airport ketdangser, Delhi International Airport Limited (DIAL)-i  linük nung tayimtsü ajanga senzür passenger tem dang Development Fee (DF) atema sen 100 meshitsü aser bendang linüktemi aor passenger tem dang sen 600 meshitsü latetja liasü.
Taküm February ita nung airports tariff regulator, Airports Economic Regulatory Authority (AERA)-i DIAL dang May 1, 2016 nü nungibo Development Fee magitsüla ta tuyua liasü, ta osang angazüker.
2012 küm December ita nung AERA-i Development Fee agitsü atema DIAL nem temelaba agüja liasü.
Ita shia Development Fee atema sen crore 30 saruteter ta shia taküm Feb. ita nung AERA-i, 2016 küm April 30 nü tashi nung sen crore 3,415.35 saruteter alitsü, ta ashi.
Indira Gandhi International (IGI) Airport terenlok atema DF ji sen crore 3,415.35 tashi sarutsü mela liasü.
Taoba ita Directorate General of Civil Aviation (DGCA)-i Delhi nung IGI Airport nungi senzüba airlines ajak dang passenger tem dang nungi sarutetba DF ajakji agüjang, ta metetdakja liasü.
DIAL ya GMR group, Airports Authority of India aser Germany’er Fraport AG den sentepa külem ser inyaker.